SBI Apprentice Recruitment 2026: બેંકિંગ ક્ષેત્રમાં કરિયર બનાવવાની સુવર્ણ તક, જાણો સંપૂર્ણ વિગતો

જો તમે ગ્રેજ્યુએટ છો અને દેશની સૌથી મોટી જાહેર ક્ષેત્રની બેંક એટલે કે સ્ટેટ બેંક ઓફ ઈન્ડિયા (SBI) માં કામ કરવાનો અનુભવ મેળવવા માંગો છો, તો તમારા માટે એક ખુશખબર છે. સ્ટેટ બેંક ઓફ ઈન્ડિયા (SBI) દ્વારા વર્ષ 2026 માટે એપ્રેન્ટિસ (Apprentice) ની જગ્યાઓ પર ભરતી માટે સત્તાવાર નોટિફિકેશન બહાર પાડવામાં આવ્યું છે. આ ભરતી પ્રક્રિયા પ્રિન્ટિસ એક્ટ, 1961 (Apprentices Act, 1961) અંતર્ગત હાથ ધરવામાં આવી રહી છે.

આ આર્ટિકલમાં આપણે SBI એપ્રેન્ટિસ ભરતી 2026 ની તમામ મહત્વપૂર્ણ વિગતો જેવી કે ખાલી જગ્યાઓની સંખ્યા, શૈક્ષણિક લાયકાત, વય મર્યાદા, પસંદગી પ્રક્રિયા, સ્ટાઈપેન્ડ (Stipend) અને ઓનલાઈન અરજી કેવી રીતે કરવી તેની વિગતવાર ચર્ચા કરીશું.

1. SBI Apprentice ભરતી 2026 ની મહત્વની તારીખો (Important Dates)

કોઈપણ સરકારી ભરતીમાં ભાગ લેવા માટે સૌથી મહત્વની બાબત તેની સમયમર્યાદા હોય છે. SBI એપ્રેન્ટિસ માટે ઓનલાઈન ફોર્મ ભરવાની અને પરીક્ષાની સંભવિત તારીખો નીચે મુજબ છે:

• ઓનલાઈન અરજી શરૂ થવાની તારીખ: 19 મે 2026
• ઓનલાઈન અરજી અને ફી સબમિટ કરવાની છેલ્લી તારીખ: 15 જૂન 2026
• ઓનલાઈન લેખિત પરીક્ષા (સંભવિત): જુલાઈ 2026

નોંધ: ઉમેદવારોએ છેલ્લી તારીખ સુધી રાહ જોયા વિના વહેલી તકે ઓનલાઈન રજીસ્ટ્રેશન કરાવી લેવું જોઈએ જેથી અંતિમ દિવસોમાં સર્વર ડાઉનની સમસ્યાથી બચી શકાય.

2. કુલ ખાલી જગ્યાઓ અને રાજ્યવાર વિગતો (Total Vacancies & State-wise Distribution)

SBI દ્વારા આ વર્ષે સમગ્ર દેશમાં કુલ 7,150 પ્રિન્ટિસની જગ્યાઓ માટે અરજીઓ મંગાવવામાં આવી છે. ઉમેદવાર માત્ર કોઈ એક જ રાજ્ય માટે અરજી કરી શકે છે અને તે રાજ્યની સ્થાનિક ભાષાનું જ્ઞાન હોવું ફરજિયાત છે.

મુખ્ય રાજ્યો અને તેમાં ખાલી જગ્યાઓની સંખ્યા નીચે મુજબ છે:

(બાકીના રાજ્યો અને કેન્દ્રશાસિત પ્રદેશોની વિગતવાર બેઠકો સત્તાવાર નોટિફિકેશનમાં જોઈ શકાય છે.)

WhatsApp Group

Join Now

Instagram Page

Follow Now

આ પણ વાંચો :-GSRTC Driver Recruitment 2026: ગુજરાત એસ.ટી. ડ્રાયવર ભરતીની સંપૂર્ણ માહિતી, લાયકાત અને ઓનલાઈન અરજી પ્રક્રિયા

ગુજરાતમાં જિલ્લાવાર બેઠકોની વહેંચણી:

ગુજરાત રાજ્ય માટે કુલ 217 બેઠકો છે, જેમાંથી મુખ્ય જિલ્લાઓ જેમ કે અમદાવાદમાં 45, ભાવનગરમાં 25, રાજકોટમાં 20, વડોદરામાં 16, ગાંધીનગરમાં 12 અને સુરતમાં 10 બેઠકો ફાળવવામાં આવી છે. ઉમેદવારો ફોર્મ ભરતી વખતે પોતાના મનપસંદ 3 જિલ્લાની પસંદગી કરી શકે છે.

3. પાત્રતાના માપદંડ (Eligibility Criteria)

આ ભરતી પ્રક્રિયામાં ભાગ લેવા માટે ઉમેદવારે નીચે મુજબના શૈક્ષણિક અને વય મર્યાદાના માપદંડો પૂર્ણ કરવાના રહેશે:

A. શૈક્ષણિક લાયકાત (Educational Qualification – 01.04.2026 ના રોજ)

উમેદવારે ભારતની કોઈપણ માન્ય યુનિવર્સિટી અથવા સંસ્થામાંથી ગ્રેજ્યુએશન (Graduation / સ્નાતક) ની ડિગ્રી મેળવેલી હોવી જોઈએ. કોઈપણ પ્રવાહ (Arts, Commerce, Science, Engineering વગેરે) ના સ્નાતક ઉમેદવારો આમાં અરજી કરી શકે છે.

B. વય મર્યાદા (Age Limit – 01.04.2026 ના રોજ)

• ન્યૂનતમ વય: 20 વર્ષ
• મહત્તમ વય: 28 વર્ષ
• એટલે કે, ઉમેદવારનો જન્મ 02.04.1998 પછી અને 01.04.2006 પહેલાં (બંને તારીખો સહિત) થયેલો હોવો જોઈએ.

વય મર્યાદામાં છૂટછાટ (Age Relaxation):

સરકારના નિયમો મુજબ અનામત કેટેગરીના ઉમેદવારોને ઉપલી વય મર્યાદામાં છૂટછાટ મળવાપાત્ર છે:

• SC / ST ઉમેદવારો: 5 વર્ષની છૂટ
• OBC (Non-Creamy Layer) ઉમેદવારો: 3 વર્ષની છૂટ
• PwBD (દિવ્યાંગ) ઉમેદવારો: નિયમાનુસાર વધુ છૂટછાટ

4. ટ્રેનિંગનો સમયગાળો અને સ્ટાઈપેન્ડ (Duration of Training & Stipend)

• તાલીમનો સમયગાળો: SBI એપ્રેન્ટિસશીપનો કુલ સમયગાળો માત્ર 1 વર્ષ (One Year) નો રહેશે.
• માસિક સ્ટાઈપેન્ડ (Stipend): પસંદગી પામેલા ઉમેદવારોને ૧ વર્ષ સુધી દર મહિને ₹15,000/- ફિક્સ સ્ટાઈપેન્ડ આપવામાં આવશે.
• આ સિવાય એપ્રેન્ટિસ ઉમેદવારો બેંકના અન્ય કોઈ ભથ્થા કે નાણાકીય લાભો (જેવા કે પીએફ, મેડિકલ વગેરે) મેળવવા હકદાર રહેશે નહીં.

ખાસ નોંધ: આ બેંકમાં કાયમી નોકરી કે કોન્ટ્રાક્ટ આધારિત નોકરી નથી. આ માત્ર ૧ વર્ષની ટ્રેનિંગ યોજના છે. જો કે, આ ટ્રેનિંગ સફળતાપૂર્વક પૂર્ણ કરનાર ઉમેદવારોને ભવિષ્યમાં SBI Junior Associates (Clerk) ની કાયમી ભરતીમાં નિયમો મુજબ વેઇટેજ (Weightage) કે ગુણમાં છૂટછાટનો મોટો લાભ મળે છે.

5. પસંદગી પ્રક્રિયા (Selection Process)

SBI Apprentice 2026 માટે ઉમેદવારોની પસંદગી બે મુખ્ય તબક્કાના આધારે કરવામાં આવશે:

1. ઓનલાઈન લેખિત પરીક્ષા (Online Written Test)
2. સ્થાનિક ભાષાની પરીક્ષા (Test of Local Language)

તબક્કો-1: ઓનલાઈન લેખિત પરીક્ષાનું માળખું (Exam Pattern)

લેખિત પરીક્ષા ઓનલાઈન ઓબ્જેક્ટિવ ટાઈપ (MCQ) રહેશે. આ પરીક્ષામાં કુલ 100 પ્રશ્નો હશે અને કુલ 100 ગુણ રહેશે. પરીક્ષાનો સમયગાળો 60 મિનિટનો રહેશે.

પરીક્ષા અંગેની મહત્વની બાબતો:

• નેગેટિવ માર્કિંગ: પરીક્ષામાં ખોટા જવાબ માટે નેગેટિવ માર્કિંગની જોગવાઈ છે. દરેક ખોટા જવાબ દીઠ 1/4 (0.25) ગુણ કાપવામાં આવશે.
• પરીક્ષાનું માધ્યમ: જનરલ અંગ્રેજીના વિભાગ સિવાય, બાકીના ત્રણેય વિભાગોના પ્રશ્નો અંગ્રેજી અને હિન્દી ઉપરાંત પ્રાદેશિક ભાષાઓમાં ઉપલબ્ધ રહેશે. ગુજરાતના ઉમેદવારો માટે પ્રશ્નપત્ર ગુજરાતી ભાષામાં પણ ઉપલબ્ધ રહેશે.
• સેક્શનલ કટ-ઓફ નથી, પરંતુ બેંક દ્વારા નક્કી કરાયેલ એકંદર ન્યૂનતમ ગુણ મેળવવા જરૂરી રહેશે. (અનામત વર્ગો માટે નિયમો મુજબ છૂટછાટ છે).

તબક્કો-2: સ્થાનિક ભાષાની પરીક્ષા (Local Language Test)

ઓનલાઈન લેખિત પરીક્ષા પાસ કર્યા પછી, ઉમેદવારે જે રાજ્યમાંથી અરજી કરી હોય તેની સ્થાનિક ભાષાની કસોટી આપવી પડશે (જેમ કે ગુજરાત માટે ગુજરાતી ભાષા). આ ટેસ્ટમાં ઉમેદવારને સ્થાનિક ભાષા લખતા, વાંચતા, બોલતા અને સમજતા આવડે છે કે નહીં તેની ચકાસણી થશે.

કોને આ ટેસ્ટ આપવાની જરૂર નથી?

જે ઉમેદવારોએ ધોરણ 10 અથવા ધોરણ 12 ની પરીક્ષામાં સ્થાનિક ભાષા (દા.ત. ગુજરાતી) એક વિષય તરીકે ભણેલી હોય અને તેની માર્કશીટ કે પ્રમાણપત્ર રજૂ કરે, તેમને આ સ્થાનિક ભાષાની પરીક્ષામાંથી મુક્તિ આપવામાં આવશે.

6. અરજી ફી અને ચાર્જિસ (Application Fee)

અરજી ફી ઓનલાઈન માધ્યમથી (Credit Card, Debit Card, Net Banking) ચૂકવવાની રહેશે. એકવાર ચૂકવેલી ફી કોઈપણ સંજોગોમાં પરત મળશે નહીં.

• General / OBC / EWS ઉમેદવારો માટે: ₹300/-
• SC / ST / PwBD (દિવ્યાંગ) ઉમેદવારો માટે: કોઈ ફી નથી (નિલ)

7. ઓનલાઈન અરજી કેવી રીતે કરવી? (How to Apply Online)

SBI Apprentice 2026 માટે અરજી કરવાની પ્રક્રિયા સંપૂર્ણપણે ઓનલાઈન છે. ઉમેદવારોએ નીચે આપેલા સ્ટેપ્સ ફોલો કરવાના રહેશે:

સ્ટેપ 1: NAPS પોર્ટલ પર રજીસ્ટ્રેશન (ફરજિયાત)

SBI માં અરજી કરતા પહેલા તમામ ઉમેદવારોએ ભારત સરકારના નેશનલ એપ્રેન્ટિસશિપ પ્રમોશન સ્કીમ (NAPS) ના પોર્ટલ apprenticeshipindia.gov.in પર જઈને પોતાનું રજીસ્ટ્રેશન કરાવવું ફરજિયાત છે. આ સિવાય bfsissc.com પર આપેલ માર્ગદર્શિકા પણ વાંચી લેવી.

સ્ટેપ 2: SBI કેરિયર પોર્ટલની મુલાકાત

NAPS પર રજીસ્ટ્રેશન થઈ ગયા પછી ઉમેદવારે SBI ની સત્તાવાર વેબસાઈટ sbi.co.in/careers અથવા sbi.bank.in/careers પર જવાનું રહેશે.

સ્ટેપ 3: નવું રજીસ્ટ્રેશન અને ફોર્મ ભરવું

• ‘Current Openings’ માં જઈને “Engagement of Apprentices in SBI” લિંક પર ક્લિક કરો.
• ‘Click here for New Registration’ પર ક્લિક કરી તમારું નામ, મોબાઈલ નંબર અને ઈમેલ આઈડી નાખીને પ્રોવિઝનલ રજીસ્ટ્રેશન નંબર અને પાસવર્ડ મેળવો.
• ત્યારબાદ ફોર્મમાં માંગેલી તમામ વ્યક્તિગત અને શૈક્ષણિક વિગતો ધ્યાનપૂર્વક ભરો.

સ્ટેપ 4: દસ્તાવેજો અપલોડ કરવા (Documents Upload Specifications)

ઉમેદવારે પોતાના સ્કેન કરેલા દસ્તાવેજો સત્તાવાર વિગત મુજબ જ અપલોડ કરવાના રહેશે:

• ફોટોગ્રાફ: રિસન્ટ કલર પાસપોર્ટ સાઇઝ ફોટો (20 kb થી 50 kb, JPEG ફોર્મેટ). ફોર્મ ભરતી વખતે લાઈવ વેબકેમ/મોબાઈલ દ્વારા ફોટો કેપ્ચર પણ કરવાનો રહેશે.
• હસ્તાક્ષર (Signature): સફેદ કાગળ પર કાળી શાહીથી સહી (10 kb થી 20 kb). કેપિટલ અક્ષરોમાં સહી માન્ય ગણાશે નહીં.
• ડાબા અંગૂઠાનું નિશાન (Left Thumb Impression): સફેદ કાગળ પર વાદળી કે કાળી શાહીથી (20 kb થી 50 kb).
• હસ્તલિખિત જાહેરાત (Handwritten Declaration): સફેદ કાગળ પર કાળી શાહીથી અંગ્રેજીમાં આપેલું ફોર્મેટ પોતાના અક્ષરોમાં લખીને અપલોડ કરવું (50 kb થી 100 kb).

સ્ટેપ 5: ફી ચૂકવણી અને પ્રિન્ટ

ફોર્મ સંપૂર્ણ ચકાસી લીધા પછી સબમિટ કરો અને લાગુ પડતી ફી ઓનલાઈન ભરો. સફળતાપૂર્વક ફોર્મ ભરાઈ ગયા પછી એપ્લિકેશન ફોર્મ અને ઈ-રિસીપ્ટની પ્રિન્ટ ભવિષ્યના સંદર્ભ માટે તમારી પાસે સાચવી રાખો.

WhatsApp Group

Join Now

Instagram Page

Follow Now

8. મહત્વની સામાન્ય સૂચનાઓ (General Instructions & CIBIL Score)

• અગાઉનો અનુભવ: જે ઉમેદવારોએ અગાઉ કોઈપણ સંસ્થામાં અથવા SBI માં એપ્રેન્ટિસશિપ મેળવી હોય અથવા જેમને ગ્રેજ્યુએશન પછી ૧ વર્ષ કે તેથી વધુ સમયનો કામનો અનુભવ હોય, તેઓ આ ભરતી માટે પાત્ર નથી.
• CIBIL સ્કોર અંગે નિયમ: ઉમેદવારનો ક્રેડિટ ઈતિહાસ સારો હોવો જોઈએ. જો કોઈ ઉમેદવારે લોન કે ક્રેડિટ કાર્ડના પેમેન્ટમાં ડિફોલ્ટ (Default) કર્યું હશે અથવા જેમનો સિબિલ (CIBIL) સ્કોર ખરાબ હશે, તેઓ આ નિમણૂક માટે પાત્ર ઠરશે નહીં.
• તબીબી તપાસ (Medical Examination): અંતિમ પસંદગી પામેલા ઉમેદવારોએ બેંકના નિયમો અનુસાર મેડિકલ ફિટનેસ ટેસ્ટ પાસ કરવાનો રહેશે.